Könglim osmonida munavvar oyim,
Volidam ildizi sabr va bardow.
Menku yig'lab-yig'lab charchadim oxir,
Onam közlarida körmasaydim yow.
Yurakka g'am alam qurganida in,
Köksi bor metindan qöymoq uchun bow.
Butun röyi Zamin yig'lasin,mayli,
Onam közlarida körmasaydim yow.
Bilibmi,bilmaymi qilsak gar xato,
Bizga eng yaqin döst,beminnat sirdow.
Wuncha kuyganlari yetar,böldi,bas!
Endi közlarida körmasaydim yow.
Onajon,körasiz köklam keladi,
Bizning bog'larda ham kuladi quyow.
Biz öwa köklamga yetamiz faqat,
Bugun közingizda körmasaydim yow.
Men sizga hamiwa sog'inaman baxt,
Ona,yowingizga qöwilsin yuz yow.
Uwbu werim öqib,mayliga töking,
Faqat qayg'udanmas,quvonchdan köz yow!
(EzoDil)Добавлено (24.11.2014, 23:14)
---------------------------------------------
Tug’ilish-o’limga qo’yilgan qadam,
Hikmatni bilsak-da, anglay olmaymiz.
Boshimizga og’ir kulfat tushganda,
Uyalmay, Ollohdan madad so’raymiz.
Insonmiz, ba’zida qilamiz xato,
Onamiz-Momodir, otamiz-Ato.
Qobilning ishini qilganda xatto,
Uyalmay, Ollohdan panoh so’raymiz.
Bayram, tantanada qilib kayf-safo,
Ikki rakat namozga vaqt topolmaymiz.
Boshimiz devorga tekkanda goho,
Uyalmay, Ollohdan sabr so’raymiz.
Pul desa, qaytmaymiz eng qabih ishdan,
G’iybat-u tuhmatda me’yor bilmaymiz.
O’zimiz tuhmatga qolganda esa,
Uyalmay, Ollohdan yordam so’raymiz.
Quloq, bo’yinlarga taqib qo’sh-qo’sh zar,
Loaqal, o’n so’mni ehson qilmaymiz.
Kofirning ishini qilib, alhazar,
Uyalmay, Ollohdan jannat so’raymiz.
Keling do’stlar, ochamiz qo’lni duoga,
Mung’aygan qalbimiz nurga o’raymiz.
Namozda iltijo qilib Xudoga,
Zimiston qalblarga iymon so’raymiz!
(EzoDil)
